यावेळी प्रमुख पाहुणे म्हणून खासदार बोलत होते. व्यासपीठावर पंचायत समिती सभापती रेखाताई पाटील ,भाजपा तालुका अध्यक्ष हीरालाल पाटील ,शिवसेनेचे तालुका अध्यक्ष विजय पाटील ,माजी जि.प.सदस्य संदीप पाटील,जेष्ठ नेते जुलालआप्पा पाटील, गट विकास अधिकारी संदीप वायाळ,पाणी फाउंडेशनचे सुखदेव भोंसले, सुनील पाटील,सहाय्यक जिला आरोग्य अधिकारी दिलीप पाटोळे, नाटेश्वर पाटील, सुनील पाटील, तालुका आरोग्य अधिकारी गिरीश गोसावी,पातोंडा आरोग्य केंद्राचे अधिकारी डॉ.प्रशांत कुलकर्णी, डॉ. संदीप चौधरी,आदर्श गाव मेहेरगावच्या सरपंच छायाताई पाटील, शरद पाटील, ग्रामसेवक अनिल सोनवणे यांच्यासह ग्रामस्थ उपस्थित होते.
मेहेरगाव विकासाचे रोल मॉडेल
या गावात शुद्ध आर ओ पिण्याच्या पाण्याची मोफत व्यवस्था, मोफत पिठाची गिरणी,सुसज्ज अभ्यासिका,व्यायामशाळा,गावातील रस्त्यांचे १००% काँक्रीटीकरण, गावात एलईडी दिव्यांची व्यवस्था, चौकाचौकात सीसीटीव्ही कॅमेरे,डिजिटल अंगणवाडी,जि. प.शाळा, संपूर्ण गाव व्यसनमुक्त एवढेच नव्हे आता हे गाव शंभर टक्के हागणदारीमुक्त झाले असून पाणी फौंडेशनचे तालुका स्तरीय बक्षीस अशी अनेक वैशिष्ट्ये असलेली मेहेरगाव ग्रामपंचायत ही जिल्ह्यात आदर्श आहे. आता समृध्द ग्राम स्पर्धेसाठीही गावाने सहभागी होवुन राज्यात प्रथम क्रमांक मिळवावा. आर्थिकदृष्ट्या समृध्द गाव निर्माण करण्यासाठी ग्रामसभेत संपुर्ण गावाने शपथ घेतली आहे. तसेच या गावातील विकासाची घौडदौड स्वत: पाहण्यासाठी जिल्ह्यातील सरपंच पदाधिकारी यांचा लवकरच अभ्यास दौरा आयोजित करू अशी ग्वाही केंद्रीय पेट्रोलीयम आणि प्राकृतिक गॅस व सूक्ष्म लघु मध्यम उद्योग मंत्रालयाचे स्टँडिंग कमिटी सदस्य खासदार उन्मेश दादा पाटील यांनी दिली.
खासदार उन्मेश दादांनी केली गावाची पाहणी
सायंकाळच्या सुमारास मेहेरगाव येथे खासदार उन्मेश दादा पाटील यांचे आगमन झाले त्यांची वाजत गाजत गावात मिरवणूक काढण्यात आली. सर्वप्रथम स्वागत कमानी जवळ छत्रपती शिवाजी महाराजांच्या प्रतिमेचे पूजन खासदार पाटील यांनी केले. गावातील विविध ठिकाणी भेटी देऊन त्यांनी गावाच्या प्रगतीची पाहणी केली.त्यांनी ठिकठिकाणी गावकऱ्यांशी संवाद साधला. खासदार पाटील यांच्या हस्ते सरपंच छायाताई पाटील,सरपंच पती शरद पाटील,ग्रामसेवक अनिल सोनवणे व ग्रामपंचायत सदस्य यांचा सत्कार करण्यात आला. प्रास्ताविकात गटविकास अधिकारी संदीप वायाळ यांनी गावाच्या विकासाचा प्रवास मांडला.कार्यक्रमाचे सूत्रसंचालन वसुंधरा लांडगे यांनी तर आभार प्रदर्शन सुनिल अहीरराव यांनी केले. श्रीमती लांडगे यांनी सादर केलेल्या जिजाऊ वंदनेने वातावरण मंत्रमुग्ध झाले होते. त्यांचा सत्कार खासदार उन्मेश पाटील यांचे करण्यात आला. कार्यक्रमास तालुक्यातील सरपंच, सदस्य व गावातील महिला व गावकऱ्यांनी मोठी गर्दी केली होती.
मेहेरगाव लवकरच राज्यभर चर्चेत
मेहेरगाव येथील विकासाची गाथा आज प्रत्यक्ष पाहता आली. राज्यातील आदर्श गाव असलेले राळेगणसिद्धी,हिवरेबाजार व पाटोदा यांच्या पावलांवर पाऊल ठेवत मेहेरगावाने विकासाची वाटचाल सुरू ठेवली आहे. 
भविष्यात गावातील सर्व माता भगिनींचे बँक खाते उघडून शासकीय योजनांचा अधिकाधिक लाभ गावकऱ्यांना मिळवून देण्यासाठी माझे प्रयत्न राहतील. सर्व गावकऱ्यांची लवकरच मोफत नेत्र तपासणी करून चष्माचे वाटप करू.ज्यांना गरज असेल त्यांची मोफत मोतीबिंदू शस्त्रक्रिया करून हे गाव मोतिबिंदू मुक्त करू असे सांगून ते म्हणाले की या गावाची यशोगाथा लवकरच राज्यभर पोहचेल असा विश्वास त्यांनी व्यक्त केला.
भविष्यात गावातील सर्व माता भगिनींचे बँक खाते उघडून शासकीय योजनांचा अधिकाधिक लाभ गावकऱ्यांना मिळवून देण्यासाठी माझे प्रयत्न राहतील. सर्व गावकऱ्यांची लवकरच मोफत नेत्र तपासणी करून चष्माचे वाटप करू.ज्यांना गरज असेल त्यांची मोफत मोतीबिंदू शस्त्रक्रिया करून हे गाव मोतिबिंदू मुक्त करू असे सांगून ते म्हणाले की या गावाची यशोगाथा लवकरच राज्यभर पोहचेल असा विश्वास त्यांनी व्यक्त केला.
-----------------------------------------------------------------------------------
