यश बँकेत २१ रोजी वरिष्ठ कार्यालयाकडून इमेल आला की अमळनेर शाखेत बीएनए मशीन मध्ये २०० रुपयांची बनावट नोट आली आहे. त्यांनतर मशीन हाताळणाऱ्या पथकाला ती नोट( ४ ए एन ३८४२१५) आढळून आली. ही नोट रंगीत झेरॉक्स काढलेली असल्याचे स्पष्ट झाले. ही नोट बीएनए मशीन मध्ये २१ रोजी दुपारी १२ वाजून २२ मिनीटानी टाकण्यात आली आहे. बँकेच्या नियमानुसार महिना संपल्यानंतर व्यवस्थापक दादासाहेब भागीनाथ होळकर यांनी अनोळखी व्यक्तींविरुद्ध भादंवि ४८९ क प्रमाणे गुन्हा नोंदविला असून तपास हेडकॉन्स्टेबल संजय वना पाटील करीत आहेत.
