जी.एस.हायस्कूलच्या मुख्याध्यापकपदी डिगंबर महाले अनेक अनोख्या योगांचे झाले मानकरी

----------------------------------------------------------------

                  - * जाहीरात * -

-----------------------------------------------------------------------------

अमळनेर - येथील खान्देश शिक्षण मंडळ संचलित जी.एस. हायस्कूलच्या मुख्याध्यापकपदी तेथील पर्यवेक्षक डिगंबर विठ्ठल महाले यांना दि. ३० रोजी मुख्याध्यापक पदाची पदोन्नती मिळाली आहे. विद्यमान मुख्याध्यापक प्रकाश मेखा हे निवृत्त झाल्याने त्यांच्या रिक्त जागी श्री. महाले यांची नियुक्ती करण्यात आली आहे. 

विद्यार्थी ते मुख्याध्यापक

          श्री डिगंबर विठ्ठल महाले हे ज्येष्ठ पत्रकार, मंगळग्रह सेवा संस्थेचे अध्यक्ष आहेत. ते सात टर्म व २१ वर्षे संस्थेचे बिनविरोध शिक्षक प्रतिनिधी होते. ते जी.एस. हायस्कूलचेच माजी विद्यार्थी असून विद्यार्थीदशेत ते शाळेच्या विद्यार्थी संघाचे अध्यक्ष होते. ते त्याच शाळेत शिक्षक म्हणून रुजू झाले. त्याच शाळेचे पर्यवेक्षक झाले व आता त्याच शाळेत मुख्याध्यापकपदी विराजमान झाले आहेत. असे अनेक अनोखे योग श्री.महाले यांच्याबाबत जुळून आले आहेत.

             त्यांच्या या नियुक्तीबद्दल त्यांचे खा.शि.मंडळाचे सर्व संचालक व पदाधिकारी,

सामाजिक व विविध क्षेत्रातील मान्यवर  हितचिंतकांनी  अभिनंदन करून शुभेच्छा दिल्या आहेत. अमळनेर हेडलाइन्स परिवारातर्फे श्री डिगंबर महाले सरांचे हार्दिक अभिनंदन व पुढील वाटचालीसाठी शुभेच्छा !