 |
याशिवाय ढेकू रस्ता येथेही बकऱ्या चारणाऱ्याला दिसल्याची वार्ता पसरली.तसेच कालही पिळोदा,धुपी,देवळी शिवारात बिबट्याचा वावर आढळून आला.तो पपईच्या शेतात लपला व त्यांनतर पळाला नंतर मक्याच्या शेतात दिसला,अशी वार्ता पसरल्याने शेतकरी भयभीत होऊन मजूरही घाबरलेले होते,.याठिकाणी देखील वन अधिकाऱ्यांनी तात्काळ दाखल होऊन सर्वत्र पाहणी केली.
आमदारांच्या अधिका-यांना सुचना
या पार्श्वभूमीवर आमदार अनिल पाटील यांनी वन विभागाचे अधिकारी छत्रपती चव्हाण यांचेशी संपर्क साधून संपुर्ण माहिती जाणून घेत त्यांना अधिक दक्ष होण्याच्या सूचना केल्या आहेत.तसेच जनतेला महत्त्वाचे आवाहनही केले आहे.
काय म्हणाले आमदार अनिल पाटील ?
"अमळनेर तालुक्यात बिबट्या आढळल्याच्या घटना समोर आल्या आहेत. नागरिकांनी ही बाब केवळ अफवा समजून बेसावध राहू नये, तसेच विनाकारण पॅनिक होऊन घाबरूनही जाऊ नये.सर्व नागरिकांनी,विशेषतः शेतकरी बांधवांनी रात्री-अपरात्री एकट्याने शेतात जाणे टाळावे. शेतात जाताना सोबत २-३ जणांनी जावे, हातात बॅटरी, काठी ठेवावी. लहान मुलांना एकटे शेतात किंवा घराबाहेर सोडू नये. आपली व आपल्या जनावरांची काळजी घ्यावी."
वन विभाग सतर्क,दोन पिंजरे लावले
आमदार अनिल पाटील यांनी सांगितले की, या घटनेची माहिती मिळताच वन विभागाला सतर्क करण्यात आले आहे. वन विभागाने तालुक्यात दोन ठिकाणी पिंजरे लावले असून पिंजऱ्यात सावज म्हणून बकरी कोंडण्यात आली आहे.मात्र रात्री-अपरात्री शेतरस्त्यावरून जाणाऱ्या वाहनांच्या आवाजामुळे आणि वर्दळीमुळे तो हिंस्त्र प्राणी पिंजऱ्याजवळ येत नसावा, असा अंदाज वन अधिकाऱ्यांनी व्यक्त केला आहे.
अफवा पसरवू नका - संपर्क साधावा
"मी स्वतः वन विभागाच्या वरिष्ठ अधिकाऱ्यांच्या सतत संपर्कात आहे. वन विभागाचे पथक गस्त घालत आहे. बिबट्याचा वावर असेलच तर त्याला लवकरात लवकर जेरबंद करून नागरिकांना दिलासा दिला जाईल. नागरिकांनी कोणतीही अफवा पसरवू नये आणि काही संशयास्पद दिसल्यास तात्काळ वन विभाग किंवा माझ्या कार्यालयाशी संपर्क साधावा," असे आवाहन आमदार अनिल पाटील यांनी केले आहे.
