याप्रसंगी अमळनेरचे तहसिलदार मिलिंद वाघ,नपाचे उपमुख्याधिकारी संदीप गायकवाड,राज्य परिषदेचे सदस्य विकास महाजन,नपाचे प्रशासकीय अधिकारी संजय चौधरी,नायब तहसीलदार श्री बावणे, स्थानिक अध्यक्ष मकसूदभाई बोहरी, तालुका संघटक राजेंद्र सुतार, सचिव विजय शुक्ल, उपाध्यक्षा ॲड.भारती अग्रवाल, जिल्हा महिला सदस्या लीना मराठे(जळगाव) हे व्यासपीठावर उपस्थित होते. तहसीलदार मिलिंद वाघ यांनी अमळनेरच्या ग्राहक पंचायतीच्या कार्यकर्त्यांना शुभेच्छा दिल्या आणि त्यांच्या मागे खंबीरपणे उभे राहण्याचे आश्वासन दिले. तसेच कार्यक्रमाचे अध्यक्ष विकास महाजन यांनी ग्राहक मार्गदर्शन सेवा केंद्राचे कार्य व केंद्रात आलेल्या समस्यांचे निवारण कसे करावे याबाबत मार्गदर्शन केले. जळगाव जिल्ह्यात असे तिसरे ग्राहक सेवा मार्गदर्शन केंद्र सुरू झालेले आहे. याआधी भुसावळ,एरंडोल आणि आता अमळनेर या ठिकाणी सेवा केंद्र सुरू झाले आहे.ग्राहक पंचायत अमळनेरचे कार्य तालुका अध्यक्ष मकसूदभाई बोहरी यांच्या नेतृत्वाखाली घोडदौड करीत आहे. मागील वर्षी फेब्रुवारी महिन्यात अमळनेर शाखेने जळगाव जिल्ह्याचा अभ्यास वर्ग मोठ्या प्रमाणावर आयोजित केला होता. त्या अभ्यास वर्गात ३५० च्यावर कार्यकर्त्यांनी सहभाग नोंदविला होता हे अंमळनेरचे रोल मॉडेल महाराष्ट्रभर गाजलेले होते. त्याचप्रमाणे नगर परिषदचे प्रशासन अधिकारी संजय चौधरी यांनी आपल्या मनोगतात संघटनेच्या पदाधिकाऱ्यांचे अभिनंदन केले आणि नगरपालिकेच्या वतीने संघटनेला सर्वतोपरी मदत करण्याचे आश्वासन दिले. नगरपरिषदेच्या माध्यमातून आम्ही नागरिकांच्या तक्रार निवारण करण्याचे काम नेहमीच करीत असतो. ग्राहक पंचायतीच्या वतीने आलेल्या तक्रार अर्जांचा सहानुभूतीने विचार करून १०० % तक्रार निवारण करू.
या कार्यक्रमाचे प्रास्ताविक तालुका अध्यक्ष मकसूदभाई बोहरी,सूत्रसंचालन तालुका संघटक राजेंद्र सुतार व आभार प्रदर्शन महिला आघाडी प्रमुख सौ.वनश्री अमृतकर यांनी केले तसेच प्रमुख पाहुण्यांचा परिचय सचिव विजय शुक्ल व तालुका सहसंघटक सौ. करुणा सोनार यांनी करून दिला. कार्यक्रमास कोषाध्यक्ष योगेश पाने, ताहा बुकवाला, खदीर सादिक, महेश कोठावदे, अरविंद मुठे, सतीश मुंडके, दिनेश रेजा, जयंतीलाल वानखेडे, मधुकर सोनार, अनिल वाणी, राजेंद्र अग्रवाल, पत्रकार पांडुरंग पाटील,
अमळनेर हेडलाईन्स न्युजचे संपादक गुरूनामल बठेजा,सहारा न्युजचे पत्रकार उमेश धनराळे, ॲड. भारती अग्रवाल, सौ लीना मराठे, सौ करूणा सोनार, सौ वनश्री अमृतकर, सौ आरती रेजा, सौ कपिल मुठे, सौ अंजु ढवळे, ॲड. उर्मिला अग्रवाल,सौ विजया जैन,श्रीमती लता दुसाने,भारती अग्रवाल,लीना मराठे,सौ अरुणा अलई इत्यादी सदस्य उपस्थित होते.
अमळनेर हेडलाईन्स न्युजचे संपादक गुरूनामल बठेजा,सहारा न्युजचे पत्रकार उमेश धनराळे, ॲड. भारती अग्रवाल, सौ लीना मराठे, सौ करूणा सोनार, सौ वनश्री अमृतकर, सौ आरती रेजा, सौ कपिल मुठे, सौ अंजु ढवळे, ॲड. उर्मिला अग्रवाल,सौ विजया जैन,श्रीमती लता दुसाने,भारती अग्रवाल,लीना मराठे,सौ अरुणा अलई इत्यादी सदस्य उपस्थित होते.
सदरचे ग्राहक मार्गदर्शन सेवा केंद्र हे दर शुक्रवार व शनिवार रोजी दुपारी चार ते सहा या दरम्यान मकसूद बोहरी यांचे शॉपिंग कॉम्प्लेक्स,कोर्टासमोर,अमळनेर येथे सुरू राहील. तरी नागरिकांनी आपले तक्रारी अर्ज लेखी स्वरूपात कार्यालयात जमा करावे. या सेवा केंद्रामुळे अमळनेरकरांना एक चांगली संधी उपलब्ध झाली आहे. ग्राहकांना मिळणाऱ्या सदोष वस्तू व सेवा बद्दल काही तक्रारी असल्यास त्या ग्राहक मार्गदर्शन सेवा केंद्रामार्फत निवारण करण्याचे प्रयत्न सदर मंच करणार आहे.
------------------------------------------------------------------------------------
