सध्या आठवड्यातून एका बाजूने तीन फे-या
वेळापत्रकानुसार खान्देश एक्सप्रेस ही वांद्रे टर्मिनल ते भुसावळ जंक्शन पर्यंत मंगळवार, गुरुवार व शनिवार असे तीन दिवस सुटते तसेच भुसावळ जंक्शन ते वांद्रे टर्मिनस येथूनही मंगळवार, गुरुवार व शनिवार याप्रमाणे तीन दिवस सुटते.
प्रवाशांची मागणी
जळगाव, धुळे तसेच नंदुरबार जिल्हयातून अनेक प्रवाशांनी याबाबत मागणी केलेली आहे. खान्देश एक्सप्रेस ही वांद्रे टर्मिनस व भुसावळ जंक्शन येथून दररोज सुटावी जेणेकरुन सर्व सामान्य प्रवाशांना तसेच खान्देशातील जळगाव, धुळे, नंदुरबार या तिन्ही जिल्हयामधून आमदार व खासदार सुध्दा या रेल्वेने प्रवास करतात. यासाठी खान्देश एक्सप्रेस भुसावळ जंक्शन व वांद्रे टर्मिनस ही एक्सप्रेस रेल्वे येथून दररोज सुटावी. जेणेकरुन सर्वसामान्य प्रवाशांना व आमदार,खासदार यांनाही या रेल्वेने येण्या जाण्यासाठी सोय उपलब्ध होईल याबाबतची मागणी आ.अनिल पाटील यांनी केली आहे.
