कोरोना पॉझिटिव्ह रुग्णांचा मृतदेह अंत्यसंस्कारासाठी नातेवाईकांना देणार नाही कोरोनाचा प्रादुर्भाव वाढू नये यासाठी घेणार दक्षता - जिल्हाधिकारी अभिजित राऊत

---------------------------------------------------------------------

          - * जाहीरात * -

-----------------------------------------------------------------------

जळगाव - कोरोनाचा संसर्ग  वाढू नये म्हणून दुर्दैवाने बाधित रुग्णाचा मृत्यू झाला तर त्याचा   मृतदेह अंत्यसंस्कारासाठी   नातेवाइकांना देण्यात येणार नाही. तो संबंधित महापालिका, पालिकेच्या यंत्रणेला देऊन थेट स्मशानभूमीत नेण्यात येईल. नातेवाइकांनी तेथे कमीत कमी संख्येने यावे. संबंधित कर्मचारी योग्य ती काळजी घेऊन अंत्यसंस्कार करतील. “कोरोना’चा प्रसार होऊ नये, यासाठी ही दक्षता घेण्यात आली आहे असे जिल्हाधिकारी अभिजित राऊत यांनी सांगितले.

जिल्ह्यात तीन प्रकारे तपासणी

             जिल्ह्यातून “कोरोना’ला हद्दपार करण्यासाठी तीन प्रकारची तपासणी सुरू झाली आहे. यात कोरोना “पॉझिटिव्ह" रुग्ण वाढतील, मात्र नागरिकांनी पॅनिक होऊ नये. जेवढे अधिक पॉझिटिव्ह रुग्ण तपासणीसाठी येतील तेवढे ते लवकर बरे होतील. पॉझिटिव्ह रुग्ण लवकर बरे व्हावे यासाठी जिल्हा प्रशासन,आरोग्य यंत्रणा प्रयत्नात आहे असे सांगताना यापुढे कोरोना बाधित रुग्णांचा मृतदेह नातेवाइकांना देण्यात येणार नाही.त्याच्यावर संबंधित स्थानिक स्वराज्य संस्थाच अंत्यसंस्कार करतील अशा सूचना दिल्याची माहिती जिल्हाधिकारी अभिजित राऊत यांनी एका वृत्तपत्राशी बोलतांना दिली.

----------------------------------------------------------------------

ओम टी पान मसाला च्या नविन दालन