----------------------------------------------------------------
- * जाहीरात * -
----------------------------------------------------------------
अमळनेर - दि. २ जुलै २०२१ रोजी लोकनियुक्त नगराध्यक्षा जिजामाता कृषिभूषण सौ. पुष्पलता साहेबराव पाटील व मुख्याधिकारी प्रशांत सरोदे यांनी कोव्हीड-१९ अंतर्गत अमळनेर न.प. अधिकारी व कर्मचारी यांनी उत्कृष्ट काम केल्यामुळे तसेच कोव्हीड-१९ उपाय योजनांसाठी मुख्यमंत्री सहायता निधीमध्ये सर्व अधिकारी व कर्मचारी यांनी एक दिवसाचा पगार स्वखुषीने जमा करण्याच्या कार्यास हातभार लावला हे लक्षात घेऊन लोकनियुक्त नगराध्यक्षा व मुख्याधिकारी यांनी नगर परिषदेतील एकूण ५०४ अधिकारी व कर्मचारी यांचा ओरिएंटल इन्शुरन्स लिमिटेड मार्फत प्रति वर्ष प्रति कर्मचारी १२०/- रुपये असा ३ वर्षासाठी एकूण १,८१,०००/- रुपयांचा धनादेश देऊन अपघात विमा काढला. त्यात अपघातात मरण पावल्यास २ लक्ष रुपये व कायमस्वरूपी विकलांगता आल्यास १ लक्ष रुपये असे लाभ आहेत.
----------------------------------------------------------------
यावेळी लोकनियुक्त नगराध्यक्षा जिजामाता सौ.पुष्पलता साहेबराव पाटील,मुख्याधिकारी प्रशांत सरोदे,उपमुख्याधिकारी संदीप गायकवाड,प्रशासन अधिकारी संजय चौधरी,कर्मचारी संघटना अध्यक्ष अनिल बेंडवाल, सोमचंद संदांशिव, राजू चंडाले, प्रसाद शर्मा यांचेसह इतर अधिकारी व कर्मचारी उपस्थित होते.
नगरपालिका व नगराध्यक्षा यांनी घेतलेल्या या निर्णयाचे कर्मचारी वर्गाने समाधान व्यक्त केले आहे.
