अमळनेर - अत्यंत चुरशीच्या वातावरणात पार पडलेल्या विधानसभा निवडणुकीची मतमोजणी उद्या दिनांक २३ नोव्हेंबर रोजी होणार आहे. अमळनेर विधानसभा मतदार संघातील निवडणूक तिरंगी झाली असली तरी खरा सामना महायुतीचे उमेदवार व विद्यमान मंत्री अनिल पाटील व अपक्ष उमेदवार माजी आमदार शिरीष चौधरी यांच्यात आहे. उद्याच्या मतमोजणीत विजयाचे पारडे कुणाकडे झुकते याकडे तालुक्यासह सर्व राज्याचे लक्ष लागले आहे. उमेदवार व समर्थकांनी आपल्या विजयाचे दावे - प्रतिदावे केले आहेत. तर किसकी होंगी हार और किसकी होंगी जीत याबाबत मतदारांत जोरदार चर्चा रंगल्या आहेत.
मतमोजणीचे नियोजन
उद्या दिनांक २३ नोव्हेंबर रोजी सकाळी येथील वखार महामंडळाच्या गोडावूनमध्ये मतमोजणीला सुरूवात होणार आहे. प्रशासकीय यंत्रणेने मतमोजणीची संपूर्ण तयारी केली आहे. निवडणूक निर्णय अधिकारी व उपविभागीय अधिकारी नितीन मुंडावरे यांच्या नेतृत्वाखाली मतमोजणीचे नियोजन करण्यात आले आहे.
सर्वाधिक चर्चेतील निवडणुक
यंदाची विधानसभा निवडणुक सर्वाधिक चर्चेत राहीली आहे. महायुती व महाविकास आघाडी यांच्यासह अन्य पक्ष व दिग्गज अपक्ष यांच्यामुळे निवडणुक प्रचारात खुपच रंगत निर्माण झाली होती. त्यामुळे निकाल काय लागेल हे सांगणे कठीण झाले आहे. तर विकासाचे पर्व अखंड सुरू रहाणार असल्याचा अंदाज व्यक्त केला जात आहे.
विजयाचे दावे - प्रतिदावे
अमळनेर विधानसभा मतदार संघात महायुतीचे उमेदवार व विद्यमान आमदार अनिल भाईदास पाटील यांनी केलेली विकास कामे,शासनाच्या विविध योजना,महायुतीच्याची फौज,प्रचाराचे योग्य नियोजन व मतदारांचे मिळालेले समर्थन या जोरावर विजयाचा दावा केला आहे. तर माजी आमदार शिरीष चौधरी यांनीही आपल्या कार्यकाळात केलेली विकास कामे,आमदारांच्या विरोधात असलेला रोष व आगामी विकासाचे या बळावर जनतेचा आशिर्वाद आपल्यालाच मिळेल असा दावा केला आहे. महाविकास आघाडीचे उमेदवार डॉ.अनिल शिंदे यांनीही आपण विजयी होणार असल्याचे सांगितले आहे. उमेदवारांचे समर्थक आपलाच नेता विजयी होणार,गुलाल आमचाच,आमदार आमचाच असा दावा करत आहेत,तर मतदारही कोण विजयी होणार याबाबत चर्चा करत आहेत.
काही तासांची प्रतिक्षा
मतमोजणीला काहीच तास शिल्लक आहेत. विजयाचे दावे - प्रतिदावे,विजयाची गॅरंटी यांच्या चर्चांना उधाण आले असले तरी विजयाची माळ कोणत्या "दादा"च्या गळ्यात पडणार यासाठी काही तासांची प्रतिक्षा करावी लागणार आहे.
----------------------------
No comments
Post a Comment