कोविड या महामारी मध्ये ज्यांना आपले प्राण गमवावे लागले त्यांना सुद्धा श्रद्धांजली पंचायतीच्या वतीने अर्पण करण्यात आली. सर्व कोविड योद्ध्यांना त्यांनी केलेल्या बहुमूल्य सेवेबद्दल त्यांचे कौतुक करण्यात आले.
"लोकशाही परंपरेला धरून व कोणत्याही पदाला न चिकटता आपल्या जागेवर सक्षम भगिनींची टीम तयार करून त्यांच्या हाती आपल्या पदाची सूत्रे अध्यक्ष मकसूद बोहरी यांनी आज रोजी सुपूर्द केली.अखिल भारतीय ग्राहक पंचायत अंमळनेरचे कार्याची दखल संपूर्ण महाराष्ट्र घेईल व इतर तालुक्यातील व जिल्ह्यातील महिलांना प्रेरणादायी व दिशादर्शक ठरेल "असे वक्तव्य अध्यक्ष धनंजयजी गायकवाड यांनी व्यक्त केले.
याप्रसंगी मावळते अध्यक्ष मकसूद बोहरी यांनी नूतनअध्यक्षा अॅड.भारती अग्रवाल यांच्याकडे आपल्या पदाची सूत्रे सोपविली तर सचिव विजय शुक्ल यांनी आपल्या पदाची सूत्रे सौ.कपिला मुठे यांच्याकडे सोपविली. तालुका संघटक सौ.करूणा मधुकर सोनार, तालुका सहसंघटक सौ. मैहराज मकसूद बोहरी, कोषाध्यक्ष म्हणून सौ. मेधा हेमंत भांडारकर यांनी आपले पदभार स्वीकारले. कार्यकारिणी सदस्य म्हणून सौ वनश्री अविनाश अमृतकर, एडवोकेट उर्मिला जगदीश अग्रवाल, सौ ज्योती पंकज भावसार, सौ अंजू विजय ढवळे, सौ ज्योती विनय जोशी व सौ आरती दिनेश रेजा यांची निवड करण्यात आली.याप्रसंगी जिल्हा अध्यक्ष तथा राज्य ग्राहक संरक्षण परिषदेचे सदस्य मंत्रालय मुंबई माननीय विकासजी महाजन, हेमंत भांडारकर, अजय पाटील, ताहा बुकवाला, कदीर सादिक, मधुकर सोनार आदी कार्यकर्ते उपस्थित होते. स्वागत अध्यक्ष मकसूद बोहरी यांनी केले तर सूत्रसंचालन व आभार प्रदर्शन सचिव विजय शुक्ल यांनी केले.
No comments
Post a Comment