°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°
•••••••••••••••••••••••••••••••••••••••••••••••••••••••••••••
अमळनेर - शासनाच्या राजस्व अभियानांतर्गत तालुक्यातील मारवड,गोवर्धन,बोरगाव या गावातील शिधापत्रिका नसलेल्या आदिवासी कुटूंबाना दि.२१ नोव्हेंबर रोजी शिधापत्रिका वाटप करण्यात आल्या. कोरोना आजाराच्या पार्श्वभूमीवर संपूर्ण देशात बेरोजगारी आणि आर्थिक अडचण निर्माण झाली आहे. आदिवासी कुटुंबे यामुळे बेरोजगार झाले असून या अनुषंगाने शासनाने सर्व आदिवासी,कष्टकरी व शेतकरी शेतमजुरांना २ रुपये किलो दराने धान्य देण्याचा निर्णय घेतलाआहे.
तसेच आदिवासींना समाजाच्या मुख्य प्रवाहात आणण्यासाठी शासनाने सर्व आवश्यक लाभ आदिवासींपर्यंत पोहचविण्यासाठी आणि
खावटी योजनेसाठी आवश्यक असलेले महत्वाचे कागदपत्र म्हणजे शिधा पत्रिका आहे. बहुतेक आदिवासींकडे शिधा पत्रिका नसल्याचे निदर्शनास आले होते. या अनुषंगाने आदिवासी एकता संघर्ष समितीच्या प्रदेशाध्यक्षा प्रा. जयश्री दाभाडे यांनी तहसीलदार मिलिंदकुमार वाघ यांच्याशी चर्चा करून आदिवासी कुटुंबाना रेशनकार्ड उपलब्ध करून देण्याबाबत सातत्याने पाठपुरावा केला होता.
जिल्हाधिकारी यांच्या आदेशानुसार सर्व आदिवासी कुटुंबाना रेशनकार्ड उपलब्ध करून देण्याचे आदेश देण्यात आले होते. या अनुषंगाने महसूल विभाग आणि आदिवासी एकता संघर्ष समितीतर्फे पहिल्या टप्प्यात अनेक गावांना रेशनकार्ड अर्ज वाटप करण्यात आले.हे अर्ज मोफत उपलब्ध करून देण्यात आले होते.
या अभियानाच्या दुसऱ्या टप्प्यात मारवड,गोवर्धन,बोरगाव येथील आदिवासी कुटूंबाना रेशनकार्ड वाटप तहसीलदार मिलिंदकुमार वाघ,प्रा.जयश्री दाभाडे व इतर मान्यवरांच्या हस्ते करण्यात आले.
या अगोदर सुमारे ३०० ते ४०० रेशनकार्ड वाटप झाले असून यात रुबजीनगर,खेडी व्यवहारदळे,रामेश्वर खु.॥, रामेश्वर बु.॥ या गावांचा समावेश आहे.
यावेळी अमळनेरचे तहसीलदार मिलिंदकुमार वाघ,आदिवासी एकता संघर्ष समितीच्या प्रदेशाध्यक्षा प्रा.जयश्री दाभाडे,बावणे रावसाहेब, ना.गो. पाटील,उपसरपंच बी.डी.पाटील मारवड,शांताराम चौधरी, वि.का. सोसायटी चेअरमन, डॉ. विलास पाटील,नरेंद्र पाटील,गोवर्धन, तलाठी भावसार आप्पा,अनिल पवार,गोवर्धन, अनिल साळुंखे मारवड,निंबा साळुंखे मारवड, सुभाष पाटील,मारवड,धनराज पारधी,अनिल पारधी,मनोज पवार,पुनमचंद पारधी,श्रीकांत साळुंखे आदींची उपस्थिती होती. तसेच गावातील प्रतिष्ठित नागरिक उपस्थित होते.
•••••••••••••••••••••••••••••••••••••••••••••••••••••••••••••••••••••
No comments
Post a Comment